Plantun de Prouvènço

Pèr coumpara dos planto d'encò nostre

Vicia sallei & Abies pinsapo

Vicia sallei

Fabaceae Leguminosae

Nom en français : Vesce de Sallé.

Descripcioun :
Atroubarés dificilamen aquesto vesso dins li libre franchimand, pamens sèmblo bèn presènto e bèn diferènto. Es uno pichoto planto de mens de 20 cm emé de flour peréu pichoto (< 12 mm) e d'alo pu acoulourido que l'estendart, de fueioun en long e prim, e subretout de dóusso cuberto de péu courtet e aplata.

Usanço :
Coume pèr li jaisso, èi pas counseia de manja de grano de vesso, que soun empouisounanto e dounon uno malautié néuroulougico, lou latirisme (presènci d'ODAP).

Port : Erbo
Taio : 5 à 30 cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Vicia
Famiho : Fabaceae
Famiho classico : Leguminosae

Ordre : Fabales

Coulour de la flour : Vióuleto
Petalo : irreguliero
Ø (o loungour) flour : 0,8 à 1,2 cm
Flourido : Printèms

Sòu : Ca
Autour basso e auto : 200 à 1200 m
Aparado : Noun
Mars à jun

Liò : Tepiero roucaiouso
Estànci : Mesoumediterran à Mountagnard
Couroulougi : Estenoumediterrano
Ref. sc. : Vicia sallei Timb.-Lagr., 1867

Sapin(-d'Andalousìo)

Abies pinsapo

Pinaceae

Àutri noum : Sap, Sapino, Sapi, Abet.

Noms en français : Sapin d'Andalousie, Pinsapo.

Descripcioun :
Lou sapin-d'Andalousìo trachis naturalamen en Espagno e au Marrò. Au nostre es esta planta pèr lou rebouscage. Sèmblo à nosto sapino, Abies alba, pamens li fueio soun estacado tout à l'entour de la ramo coume uno brosso o un escoubihoun dóu meme biais que la serento. Lou bout di fueio soun un pau pougnènt e li bourroun resinous. Coumpara emé lou sapin dóu nostre e emé la serento que li pigno pendoulon.

Usanço :
Dèu agué li mémis usanço que la sapino.